Die pas kronkel links, dan regs, opdraand, dan afdraand. My oë gerig op elke oomblik se asemwegslaan mooi .......en volg toe ook die vlinder wat op die enigste en fynste veldblommetjie tussen die grasse, gaan sit, en ek voel my hart se glimlag. Rom15:7-13“Mag God, die bron van hoop,julle deur julle geloof met alle vreugde en vrede vervul,sodat julle hoop al hoe sterker kan word deur die krag van die Heilige Gees!” Onthou om tyd te maak om die vlinder te volg.
Volg die Vlinder
Getuienis uit die Natuur
11 Apr 11
in
Blomsaad
Die Heiland is gebore
Ek staan as mens, geskape deur intense liefde, binne hierdie Meesterlike skepping. En ek rus in die vrede dat die vertrekpunt van my lewe, Christus is, wat vir my en jou verlossing gebring het! Hierdeur het ek ewigdurende hoop ontvang! Ek het nog nie gearriveer nie.... nee......ek begin elke dag opnuut.......ek lewe voort in elke dag se genade, in elke dag se nader en intiemer wandeling met die enigste ware lewende God. Want, ''Om te lewe, is vir my Christus, en om te sterwe, is vir my wins.''Fil. 1:21
Liewe mens, mag jy die warm gloed van liefde ervaar, elke keer as sy Naam genoem word. Mag hierdie liefdesgloed soos strale energie uit jou vloei, en sy Koninkrykslig vir die mense om jou, helder laat skyn.
