En vir jou, liewe pragtige kind van God, hoop ek dat jy sal beleef hoe woorde soeter as heuning, jou kop sal oplig na die Ewige Lig. ''....Hoe aangenaam is U woord, soeter as heuning in die mond....'' Psalm119:97-104
Getuienis uit die Natuur
11 Apr 11
in
Blomsaad
Die Heiland is gebore
Ek staan as mens, geskape deur intense liefde, binne hierdie Meesterlike skepping. En ek rus in die vrede dat die vertrekpunt van my lewe, Christus is, wat vir my en jou verlossing gebring het! Hierdeur het ek ewigdurende hoop ontvang! Ek het nog nie gearriveer nie.... nee......ek begin elke dag opnuut.......ek lewe voort in elke dag se genade, in elke dag se nader en intiemer wandeling met die enigste ware lewende God. Want, ''Om te lewe, is vir my Christus, en om te sterwe, is vir my wins.''Fil. 1:21
Liewe mens, mag jy die warm gloed van liefde ervaar, elke keer as sy Naam genoem word. Mag hierdie liefdesgloed soos strale energie uit jou vloei, en sy Koninkrykslig vir die mense om jou, helder laat skyn.
