God wat gesê het: "Laat daar lig skyn ..." het ook in ons harte 'n lig laat skyn ... Ons wat hierdie skat in ons het, is maar kleipotte wat maklik breek, die krag wat alles oortref, kom dus van God.'' 2 Kor. 4:6-15. Mag jy soos die vlinder in haar vrye kinderlike speelsheid, met 'n vry hart ons Vader se hartklop werklik voel, en beleef hoe jy as breekbare kleipot, die krag ontvang om die skat binne jou te kan uitdeel.
Kleipotte wat maklik breek
Getuienis uit die Natuur
11 Apr 11
in
Blomsaad
Die Heiland is gebore
Ek staan as mens, geskape deur intense liefde, binne hierdie Meesterlike skepping. En ek rus in die vrede dat die vertrekpunt van my lewe, Christus is, wat vir my en jou verlossing gebring het! Hierdeur het ek ewigdurende hoop ontvang! Ek het nog nie gearriveer nie.... nee......ek begin elke dag opnuut.......ek lewe voort in elke dag se genade, in elke dag se nader en intiemer wandeling met die enigste ware lewende God. Want, ''Om te lewe, is vir my Christus, en om te sterwe, is vir my wins.''Fil. 1:21
Liewe mens, mag jy die warm gloed van liefde ervaar, elke keer as sy Naam genoem word. Mag hierdie liefdesgloed soos strale energie uit jou vloei, en sy Koninkrykslig vir die mense om jou, helder laat skyn.
