Een vir een, baie stadig, doelgerig, het die kosmos- blomblaartjies oopgevou, soos handjies wat oopgaan om te gee. En kyk net hoeveel mooi word daar gegee! Mag jy vandag beleef hoe jy oorlaai word met die mooi. Kyk!! dis oral om jou! ''Aan God, die Vader van ons Here Jesus Christus, kom die lof toe! In sy groot ontferming het Hy ons die nuwe lewe geskenk ... Nou het ons n lewende hoop ....'' 1 Pet.1:1-9.
Geniet die mooi!
Getuienis uit die Natuur
11 Apr 11
in
Blomsaad
Die Heiland is gebore
Ek staan as mens, geskape deur intense liefde, binne hierdie Meesterlike skepping. En ek rus in die vrede dat die vertrekpunt van my lewe, Christus is, wat vir my en jou verlossing gebring het! Hierdeur het ek ewigdurende hoop ontvang! Ek het nog nie gearriveer nie.... nee......ek begin elke dag opnuut.......ek lewe voort in elke dag se genade, in elke dag se nader en intiemer wandeling met die enigste ware lewende God. Want, ''Om te lewe, is vir my Christus, en om te sterwe, is vir my wins.''Fil. 1:21
Liewe mens, mag jy die warm gloed van liefde ervaar, elke keer as sy Naam genoem word. Mag hierdie liefdesgloed soos strale energie uit jou vloei, en sy Koninkrykslig vir die mense om jou, helder laat skyn.
