Die eerste kleure van die nuwe dag raak saggies aan die wolke, en oomblik vir oomblik word die lug n skouspel. n Skouspel wat my hart betower en my musieknote laat hoor, wat die hele lug vul, en uitbars in simfonie, om ons Vader te eer vir al sy handewerke! Mag jy ons Vader se grootheid hierdie week beleef en dans op die musieknote van sy liefde en versorging ''Kom kyk wat die Here gedoen het, watter ontsettende dinge Hy op aarde tot stand bring'': Ps. 46
Hoor die musiek
Getuienis uit die Natuur
11 Apr 11
in
Blomsaad
Die Heiland is gebore
Ek staan as mens, geskape deur intense liefde, binne hierdie Meesterlike skepping. En ek rus in die vrede dat die vertrekpunt van my lewe, Christus is, wat vir my en jou verlossing gebring het! Hierdeur het ek ewigdurende hoop ontvang! Ek het nog nie gearriveer nie.... nee......ek begin elke dag opnuut.......ek lewe voort in elke dag se genade, in elke dag se nader en intiemer wandeling met die enigste ware lewende God. Want, ''Om te lewe, is vir my Christus, en om te sterwe, is vir my wins.''Fil. 1:21
Liewe mens, mag jy die warm gloed van liefde ervaar, elke keer as sy Naam genoem word. Mag hierdie liefdesgloed soos strale energie uit jou vloei, en sy Koninkrykslig vir die mense om jou, helder laat skyn.
