Met haar pragtig gevormde vlerke,kom speel sy aanra
ak-naby om my. ''Jy is pragtig!'', fluister ek saggies toe sy op die takkies gaan sit. Met oopgespreide vlerke laat sy my toe om nader te kom, en hier met die dennenaalde onder my voete en mosbedekte bome en woudplante om my, se ek dankie vir hierdie oomblikke. Want Here, hierdie weet ek, is net genade. En ek weet, U is hier. En my hart sing :''Dankie vir liefde, dankie lewenskrag, en elke mooi dag'', want dit wat ek nou voel, hierdie tevrede wees, hierdie gemoedskalmte, hierdie blydskap, weet ek is die suiwere aanraking van ware liefde. Dankie dat U my Gids is op my elke dag se pad. ''n Mens beplan sy pad, maar die Here bepaal hoe hy loop.'' Spreuke16:1-9. Ek bid vir jou stil oomblikke op jou pad sodat jy die aanraakoomblikke, wat spesiaal net vir jou wag, met jou hele wese sal voel. Liefde
Aanraak oomblikke
Getuienis uit die Natuur
11 Apr 11
in
Blomsaad
Die Heiland is gebore
Ek staan as mens, geskape deur intense liefde, binne hierdie Meesterlike skepping. En ek rus in die vrede dat die vertrekpunt van my lewe, Christus is, wat vir my en jou verlossing gebring het! Hierdeur het ek ewigdurende hoop ontvang! Ek het nog nie gearriveer nie.... nee......ek begin elke dag opnuut.......ek lewe voort in elke dag se genade, in elke dag se nader en intiemer wandeling met die enigste ware lewende God. Want, ''Om te lewe, is vir my Christus, en om te sterwe, is vir my wins.''Fil. 1:21
Liewe mens, mag jy die warm gloed van liefde ervaar, elke keer as sy Naam genoem word. Mag hierdie liefdesgloed soos strale energie uit jou vloei, en sy Koninkrykslig vir die mense om jou, helder laat skyn.
