Wanneer die voeltjies jou vroegoggend buitentoe roep en die wind jou wang saggies streel.
Wanneer die eerste ligstrale op jou vel rondspeel en jou hare inkleur met spikkels goud.....Dis dan wanneer lewe jou hart kielie en jou voete ritme gee. Dis dan wanneer tyd gaan stilstaan, sodat oomblik vir oomblik ingedrink kan word. En dan........wanneer sonlig stukkie vir stukkie plek maak vir toevou-wolke en reëndruppels saggies in jou hare blink, dan weet jy, jy word so mildelik geseën! En in hierdie seën, is die dans n loflied, n eerbetoning, want : ''Elkeen wat by Hom skuiling soek, beskerm Hy. Waarlik, wie anders as die Here is God?....God omgord my met krag;.....Hy maak my voete soos die van n ribbok....'' 2Samuel 22
Mag jy ligvoet loop vandag!
Reëndruppel seën
Getuienis uit die Natuur
11 Apr 11
in
Blomsaad
Die Heiland is gebore
Ek staan as mens, geskape deur intense liefde, binne hierdie Meesterlike skepping. En ek rus in die vrede dat die vertrekpunt van my lewe, Christus is, wat vir my en jou verlossing gebring het! Hierdeur het ek ewigdurende hoop ontvang! Ek het nog nie gearriveer nie.... nee......ek begin elke dag opnuut.......ek lewe voort in elke dag se genade, in elke dag se nader en intiemer wandeling met die enigste ware lewende God. Want, ''Om te lewe, is vir my Christus, en om te sterwe, is vir my wins.''Fil. 1:21
Liewe mens, mag jy die warm gloed van liefde ervaar, elke keer as sy Naam genoem word. Mag hierdie liefdesgloed soos strale energie uit jou vloei, en sy Koninkrykslig vir die mense om jou, helder laat skyn.
