In n wereld vol besigwees, is daar groen weivelde en waters waar daar vrede is......oral om ons. 
n Vrede wat tot binne die hart kom lê en n wêreld van ewigheid open. n Wêreld van vryheid en guns, waar die oë dieper sien en die hart teenaan-naby saamvoel. n Wêreld nie sonder eise, maar waar liefde en selfverloëning die eise oorskadu. ''Kyk, Ek het aan julle die mag gegee om die vyand met al sy geweld te oorwin,..... En tog moet julle nie bly wees net omdat die geeste hulle aan julle onderwerp nie, maar wees veral bly omdat julle name in die hemel opgeskryf is.'' Lukas10. Mag jy op hierdie dag omvou word met daardie sagtheid wat jou opnuut, WAARDE laat raaksien.
Ewigheidsvrede
Getuienis uit die Natuur
11 Apr 11
in
Blomsaad
Die Heiland is gebore
Ek staan as mens, geskape deur intense liefde, binne hierdie Meesterlike skepping. En ek rus in die vrede dat die vertrekpunt van my lewe, Christus is, wat vir my en jou verlossing gebring het! Hierdeur het ek ewigdurende hoop ontvang! Ek het nog nie gearriveer nie.... nee......ek begin elke dag opnuut.......ek lewe voort in elke dag se genade, in elke dag se nader en intiemer wandeling met die enigste ware lewende God. Want, ''Om te lewe, is vir my Christus, en om te sterwe, is vir my wins.''Fil. 1:21
Liewe mens, mag jy die warm gloed van liefde ervaar, elke keer as sy Naam genoem word. Mag hierdie liefdesgloed soos strale energie uit jou vloei, en sy Koninkrykslig vir die mense om jou, helder laat skyn.
