Soos n mantel vou die vrede om my, as my voete die paadjie vind. Druppeltjies reën waai teen my gesig vas en verander die pas van my voetval......na stadig. En in my stadig, is die blomkleure op my pad......vredes-wit, aanbiddings-blou, loflied-pienk, jubel-geel en dankbaar-pers. En die natuur se musieknote vul die woud en bring ook die jubeling uit die Woord ''En die vrede van God, wat alle verstand te bowe gaan, sal julle harte en julle sinne bewaar.......verder..... alles wat rein is, alles wat lieflik is, alles wat loflik is.....bedink dit.''(OAV) Fil4:7+8. Ek hoop vir jou oë en n hart, wat die lieflike en loflike om jou en binne jou sal raaksien.
Lieflike en loflike
Getuienis uit die Natuur
11 Apr 11
in
Blomsaad
Die Heiland is gebore
Ek staan as mens, geskape deur intense liefde, binne hierdie Meesterlike skepping. En ek rus in die vrede dat die vertrekpunt van my lewe, Christus is, wat vir my en jou verlossing gebring het! Hierdeur het ek ewigdurende hoop ontvang! Ek het nog nie gearriveer nie.... nee......ek begin elke dag opnuut.......ek lewe voort in elke dag se genade, in elke dag se nader en intiemer wandeling met die enigste ware lewende God. Want, ''Om te lewe, is vir my Christus, en om te sterwe, is vir my wins.''Fil. 1:21
Liewe mens, mag jy die warm gloed van liefde ervaar, elke keer as sy Naam genoem word. Mag hierdie liefdesgloed soos strale energie uit jou vloei, en sy Koninkrykslig vir die mense om jou, helder laat skyn.
