Lelie-mooi.......vry, maar geanker tussen denneboom en varingplant
. Langs paadjies waar elke dag se spore lankal nie meer le nie. Paadjies waar vlinders die rigting aanwys en n bosbokkie se rooibruin jou beweging laat stol. Waar natuurlike bos nog vol bewaarde geheime lê en die liggiese blareroer, bosmusiek maak vir n vredesdans. n Dans van vrede te midde van wêreldse onrus. n Binne-vrede, n binne-vreugde, wat net deur die allergrootste genade die hart kom vol lê. En so word die mensehart geseën. ''Moenie kwaad met kwaad vergeld of belediging met belediging nie. Inteendeel, antwoord met n seënwens, want daartoe is julle geroep, sodat julle die seën van God kan verkry.''1Pet3:9. Mag jy vry dans in die vrede van binne-vreugde.
Lelie-mooi......geanker
Getuienis uit die Natuur
11 Apr 11
in
Blomsaad
Die Heiland is gebore
Ek staan as mens, geskape deur intense liefde, binne hierdie Meesterlike skepping. En ek rus in die vrede dat die vertrekpunt van my lewe, Christus is, wat vir my en jou verlossing gebring het! Hierdeur het ek ewigdurende hoop ontvang! Ek het nog nie gearriveer nie.... nee......ek begin elke dag opnuut.......ek lewe voort in elke dag se genade, in elke dag se nader en intiemer wandeling met die enigste ware lewende God. Want, ''Om te lewe, is vir my Christus, en om te sterwe, is vir my wins.''Fil. 1:21
Liewe mens, mag jy die warm gloed van liefde ervaar, elke keer as sy Naam genoem word. Mag hierdie liefdesgloed soos strale energie uit jou vloei, en sy Koninkrykslig vir die mense om jou, helder laat skyn.
